唔知點好!!

好耐無寫野喇, 有好多野真係唔知點好, 想養多隻狗, 又唔知佢地會唔會打架, 會唔會相處唔到......

In fact, who make my choice?? I know if I choose the other way to go, no one will support me, but I really wanna try!! I know I shouldn't be so selfish, but... I am afraid I will regret if I give up.

烙烙好悶

好耐無寫個blog lu, 唔知係咪因為呢排睇歐冠, 所以無咩心機寫呢...嘻嘻, 是但啦...!!
我而家同烙烙爸都要返工, 日日得番烙烙一個o係屋企, 我覺得佢好慘呀, 日日都o係都等我地放工, 佢一見到我地番黎佢都會超興奮, 耳仔"tum"晒係咁撲埋黎, 仲會發出d"鳴鳴"既叫聲, 好似好可憐咁.....可能佢自己一個o係屋企真係好悶好寂寞....v_v

烙烙自己o係屋企

呢個星期開始, 我同烙烙爸都要一早起身返工, 所以烙烙要習慣自己o係屋企喇, 搞到我成日都好掛住佢tim!!

烙烙見到靚女...

今日同烙烙落街, 行行下, 見到隻四個月大既雪橇女女wor, 個死仔, 即刻走埋去同人玩, 又打又追...之後仲要一巴打落隻狗女女塊面度, 嚇到人地即刻呆咗同調頭走, 之後諗住同佢行去第二邊啦, 哈, 點知個衰仔o係咁望番轉頭, 行行下仲坐咗o係度唔行tim...望實隻狗女女, 我死拉死叫佢都當我無到, 唉......唯有行番轉頭啦, 行行下隻女女又走過黎同佢玩, woowoo......烙烙緊係開心到爆炸啦......但係果陣個天好似想落雨, 於是我咪急急腳走人啦, 烙烙今次又肯跟我走wor, 以為個死仔轉死性啦, 哈......點知行了幾步, 竟然掉頭走想過番去搵隻狗女wor......我果陣真係把幾火, 咪一手抱起佢走人law.....行到番屋企樓下, 諗住放佢落地啦, 個死仔.....坐咗o係度望住隻狗女女個方向唔肯行(果陣已經見唔到隻雪橇ge la), 阿媽都係女仔啦, 又唔見你望下我......~.~.......個死仔包, 果然同阿爸一樣.....激死我喇.....>.<

烙烙媽碌牙

痛死我喇....我早兩日因為隻牙痛到彈起, 所以就去咗碌牙, 唉......總之唔碌好過啦......簡直想死, 牙醫剩係同我講話隻牙超大, 要碌好耐, 但係我無諗過碌果陣碌黎碌去都碌唔到, 最後要上d好似 "鑼絲" 咁既野去d牙腳度, 隔硬 "蚊" 佢出黎, 簡直想死, 之後狂噴血, 聯了五針, d血流咗四個鐘都唔停, 搞到我下午去買野食果陣直情o係條街度暈咗, 坐咗o係度成半個鐘都行唔到, 暈果陣仲以為會有人安慰下, 關心下啦, 點知......哎呀.......總之激死我喇.......>.< 我到而家都覺得好嬲!!

烙烙俾狗圍

尋晚大熊, 小白同烙烙去了佢地平時同其他狗狗玩開既地方, woowoo...好多狗仔都好得意呀, 同埋我好開心呀, 因為佢地d主人個個都話烙烙係柴仔黎.....^^本來烙烙好主動咁去聞其他狗狗, 但係行行下, 佢走去聞隻大金毛, 聞得投入之際, 佢發現有野聞緊自己個pat pat, 一望, 原來係另一隻金毛, 之後就有三四隻金毛圍住佢, 烙烙果陣真係呆咗, 然後拉住我一支箭咁衝上樓梯, 離開現場.....我係咁拉都拉唔番佢落去同d狗狗玩呀.......無用!!

白粉仔

烙烙呢排好naughty, 成日走埋牆角度食白粉, 今日仲食了四次, 激到烙烙爸爸死咗, 即刻捉佢入籠罰佢......烙烙真係超爆笑, 當佢食緊白粉果陣, 佢一聽到腳步聲, 就會急急腳扮晒乖咁坐番o係度閘隔離扮無野, 不過佢唔知佢食白粉果陣已經搞到自己成面都係粉.....正一傻仔烙!!

烙烙大隻咗

尋日帶烙烙落街, 諗住同佢行去坑口買糖水, 點知行行下, 佢企咗o係度, 死都唔肯行, 仲要企o係路中間wor, 正衰仔, 於是我唯有抱佢行番轉頭啦, 嘩, 初初都無咩野, 點知愈抱愈重, 行到景林果陣我簡直想死, 估唔到一隻4.7kg ge小狗狗, 原來可以咁重ga!!

第三支...針??

係呀, 今日又要帶烙烙去打第三支針喇......不過呢支係皮膚針黎既, 鬼叫佢成日甩毛咩......佢次次打呢支針都嘈到爆炸, 叫到好似俾人飛禮咁, 第一次仲衰, 尖叫都不特止, 醫生諗住抱佢, hughug番佢啦, 佢竟然發癲咬爛咗醫生個聽筒, 你搞到阿媽勁樣衰呀衰仔 (>.<)"

烙烙係咪唐狗黎架??

自從烙烙做完手術之後, 我地個個都覺得佢愈黎愈似唐狗, 除了條尾似柴犬之外(因為柴犬條尾係曲既), 佢好多地方都唔似係一隻柴仔, 例如, 佢塊面係倒三角, 隻耳仔超大, 隻腳好長……等等, 唔知係咪因為佢之前甩毛, 而家d毛未長番出黎既關係啦……唉……真係激死我喇, 有d人話佢一dd地方似柴仔, 有d人就話佢遠睇就似, 近睇就似唐仔, 唔通佢係一隻唐柴狗?? 不過無論點都好啦, 我地既然選擇了他, 無論佢係點, 我地都一樣咁鐘意佢, 咁錫佢既….^^ 因為佢係我地既仔仔烙烙BB.

第三支針

好野, 今日絡絡終於打了第三支針喇, 好開心, 過多幾日佢就可以落街喇. 下午, MAbeL, 阿鋒同阿婆黎了睇絡絡, 佢地玩得好開心呀......

夜晚場波真係好緊張, 本來贏緊1:0, 之後反輸1:3, 臨完場前竟然連追三球, 4:3完場, 原來波...真係圓架......哈哈.......

新衫新襪仔

因為怕烙烙再R損自己, 所以我尋日買了一件新衫仔同4隻襪仔俾佢, 好搞笑呀, 隻襪仔係米奇老鼠黎架, 而件衫仔呢...我專登搵件有帽既, 因為型仔d ma.......hahahahahaa.......

唔知係咪要戴住個燈罩, 著住件衫仔同襪仔既關係, 佢尋晚好似好唔開心咁, 成日要人
抱, 又整個慘樣出黎望住我地......搞到烙烙爸話烙烙可能有了絕症.....好搞笑!!

柴犬奇蹟物語 (A Tale of Mari and Three Puppies)

導演： 豬股隆一
主演：船越英一郎《愛與淚相隨》、松本明子、廣田亮平(小演員)《愛與淚相隨》及日劇《東京鐵塔》 佐佐木麻緒(小演員)
片種：勵志劇情
日期：5月1日 一隻也不能少
分鐘: 127分鐘 / 級別: IIA
梁家輝、梁詠琪、孫耀威、胡楓、Jacky仔感人聲演。

故事大綱
“柴犬奇蹟物語”是一個真人真事改編的電影。日本新瀉縣山古志村是個被自然包圍的美麗山村。石川一家就是住在那裡，在村委會中工作的優一(船越英一郎飾演)、和兒子亮太(廣田亮平飾演)及女兒彩子(佐佐木麻緒飾演)，還有頑固的父親優造(宇津井健飾演)，四個人一起生活。亮太和彩子由於母親早逝，由阿姨雅子(松本明子飾演)照顧。年幼便失去母親的彩子，雖然連母親的樣子都記不清楚，但心底裡仍是對母親極為想念。一天，石川家裏多了一個新成員，就是一隻初生的小狗，亮太和彩子把這小雌犬取名為麻里，並且細心地照顧她。
麻里健康地成長，並且還有了自己的孩子，石川為此開心不已，更為三名小成員，取名為「包」、「剪」、「揼」。可惜好景不常… 2004年10月23日下午5時56分，新瀉縣發生6.8級地震。剎那間山崩地裂，房屋都瞬間移為平地，當時在家裡的優造及彩子，受了重傷更被困在瓦礫中…身在異地的優一及在學校的亮太，則幸運地逃過一劫。由於相繼有強度極大的餘震，居民都慌忙各自逃到避難所等待救援。
不知過了多久，在瓦礫中抱著彩子的優造，開始失去生存的勇氣…就在這時，他們聽到了麻里的聲音。麻里和她的孩子們都能幸運地生存下來。
當麻里找到了優造和彩子後，就跑上來舔兩人的臉，像是要把勇氣傳給二人。之後更不顧自己的安危，在瓦礫和花園中辛勞的徘徊，一邊照顧自己孩子一邊努力地想把優造和彩子救出來。
終於等到自衛隊趕到，亮太和其他村民跟隨安田二曹(高嶋政伸飾演)所帶領的隊伍，乘直昇機陸續離開災區。因為麻里的鼓勵而重獲勇氣的優造和彩子也成功獲救。可是在人命為重的條件之下，麻里和小狗們被迫留在災區……
麻里和她的三隻小狗包、剪、揼，在沒有食物而且危險重重的環境下，仍然沒有放棄，麻里盡力守護著自己的孩子。另一方面，在避難所的彩子和亮太則一直擔心麻里的安危並不停為牠們的平安祈福。得知暴風雨快來臨的一個晚上，兩人決定開始展開他們的拯救計畫！
究竟麻里和小狗們可以無事獲救嗎？石川家的成員又可以團聚嗎？

一個真人真事 溫情洋溢的故事
2004年10月23日下午5時56分，日本新瀉縣發生黎克特制6.8級地震，也就是日後統稱為「新瀉中越地震」的嚴重災難。專門出產「鬥牛」及「錦鯉」的山古志村(現稱長岡市)，在那次地震中，遭到相當大的破壞。山古志村的居民，也因此而陷入極度的失意。剛好在這時候他們看到了一個奇蹟故事…一隻名麻里的雌犬在空無一人的廢壚中，獨力守護著三隻初生的小狗。十六日之後，麻里和她的孩子們竟然可以平安無事地出現在眾人面前。麻里的母愛和她永不言棄的精神為災民帶來極大的鼓舞，使他們有勇氣去面對災難，也為整個救災工作更有士氣。
這個真實故事被出版成「山古志村的麻里和三隻小狗(直譯)」(文藝春秋出版)的繪本，成了中小學生的話題之作，也是銷量達12.5萬本的暢銷圖書(截至2007年6月)。在新瀉縣及新瀉縣長岡市、三条市的全面協助下，成功改編成為電影「麻里與小狗的故事」。

烙烙周身癢

烙烙因為日日都要著住件保護衣, 所以搞到佢被包住果d地方都好癢, 仲甩毛添呀, 好慘, 尋晚仲R到流血呀, 好恐怖!!

新厠所

烙烙前日去了醫生度做檢查, 之後, 我終於忍唔住, 自己走去買了個厠所俾佢, 不過佢到而家為止都唔識o係厠所上面疴屎呀, 近何況係疴尿......激死我喇, 佢真係好死蠢呀!! 因為怕烙烙哎d紗布, 所以佢而家日日都要戴住個"燈罩", 底死, 咬唔到人...嘻嘻嘻.......

烙烙爸尋日俾個衰人玩呀, 好慘呀...!!

叻仔烙烙

烙烙識得o係報紙上面疴屎喇, 而且, 佢仲識 "SIT" 添, 仲有, 佢而家已經吠少了好多, 但係唔知係咪因為佢做了手術既關係, 吠果陣會痛先唔吠呢...不過都算叻仔!! 不過, 佢仲係周圍疴尿呀, 唉...飲水又多, 所以d尿都特別多... (=.=)"...不過今朝烙烙好naughty, 佢疴完屎o係張報紙度, 我入去換啦, 佢又想同我玩, 結果, o係報紙上面既屎由高空墮下, 跌o係地上, 真係激死我呀 (>.<) 下午要同烙烙去睇醫生呀, 因為唔知係咪d砂布既關係, 佢前面隻右腳有d甩毛, d肉仲好晒, 驚佢皮膚敏感呀, 仲有, 佢又成日R黎R去, 好似好痕咁.....真係可憐...!! (v_v) P.S. 好多謝男朋友仔幫烙烙間房換晒d地墊呀, 好開心呀!! (^.<)

做完手術喇

烙烙終於做完手術喇, 佢個傷口好大呀, 起碼有三分二隻手掌咁大, 連針連到d皮好肉酸, 要等十至十四日先可以拆線, 仲要定期同佢返診所包傷口, 真係可憐既烙烙BB...不過唔緊要啦, 最緊要而家無事, 希望佢快d好番就好喇!!

本來諗住去間寵物店度投訴架, 不過烙烙爸臨時縮沙, 好衰呀..."(>~<)"..., 烙烙女麻女麻好好呀, 見我唔開心, 即刻想陪我出去, 但係我地諗兩諗, 就覺得我地兩個會唔夠人嘈, 所以決定唔去喇, 不過我真係好唔忿氣, 一心諗住去架嘛...就算無得賠錢都應該要俾呢間無良寵物店知道我地唔係傻仔, 俾人搵笨七都唔出聲...所以我真係好唔開心!!不過由烙烙爸訓落床果刻開始, 我都知我地唔會去嘈間寵物店既喇...... ~(v_v)~

P.S. 間無良寵物店o係勝利道架, 叫做天使寵物店, Angel Pet Shop

烙烙做手術

烙烙今朝早十點半要做手術喇, 希望成功啦, 醫生果度要夜晚七點幾先打俾我, 所以到而家我都唔知佢既手術ok唔ok架, 唉......三個月就要全身麻醉, 真係可憐!!

P.S. 好彩今朝臨走果陣問一問個姑娘, 先知因為烙烙要連針, 個傷口都幾大, 所以去接佢果陣一定要用狗袋......嘻嘻......一陣去買個狗袋接烙烙先...呵呵...^o^

同大熊小白見面喇!!

雖然烙烙有傷口唔落得地下, 不過今晚大熊同小白上咗黎, 因為怕個傷口會發炎, 所以我地放了個閘隔開咗佢地, 雖然有一閘相隔, 不過絡絡都超級好奇, 係咁o係度吠, 而大熊同小白呢...就不停o係度閘度行黎行去, 尤其係大熊呀, 一睇就知佢勁想入去啦!!嘻嘻...

P.S.大熊, 你真係好勁呀, 雖然個骨頭玩具放了o係個膠袋入面, 不過你咁都知道入面有野玩, 真係醒目仔呀 ^^

可憐的烙烙

哎...今日放工返去. 見到烙烙自己由個籠度跳了出黎, 嘩, 真係嚇死我, 我驚既唔係佢點解可以跳到出黎, 而係佢咁樣跳法, 唔知會唔會整親...同佢玩玩下, 阿科發現烙烙右前腳近頸果個位有舊乒乓球咁大圓形物體"突"咗出黎, 我地以為係腫瘤, 所以即刻同佢去睇醫生, 之後先發現果個位原來係一個好大既傷口, 好肉酸, 醫生話應該係好耐之前佢俾狗咬過或者俾野剌咗入去, 個傷口好深, 而家因為發緊炎, 所以腫咗, 真係好恐怖, 所以我地決定聽醫生建議, 星期六幫烙烙做手術, 清除成個傷口, 不過要全身麻醉, 希望佢無事啦...

而我地要求醫生寫封醫生信, 證明有件咁既事, 過幾日去番間寵物店同佢講.....因為真係好過份, 一來隻狗仔真係好慘, 二來間寵物店真係好無良......我一定要幫烙烙攞番個公道>~<

第一日

哈...今日唔係我第一日買烙烙返黎, 而係第一日寫呢個blog......希望可以記底烙烙生活的一點一滴啦...!!嘻嘻...